حسینیه تبریزبیدار به مناسبت کوچ اسرای دشت نینوا از شام:

گیدیروخ بیز اربعینه بودی نسگیلم رقیه / نه دیوم بابان سوروشسا هانی سویگولوم رقیه

به مناسبت حرکت اسرای دشت نینوا از شام به سوی کربلا سه تحفه از شاعران تبریزی در اردات به اهل بیت(س) خدمت بینندگان تقدیم می گردد

به گزارش تبریز بیدار، به مناسبت حرکت اسرای دشت نینوا از شام به سوی کربلا سه شعر از شاعران تبریزی خدمت بینندگان تقدیم می گردد:

زبانحال حضرت زینب (س) به حضرت رقیه (س) موقع کوچ از شام 

گیدیروخ بیز اربعینه بودی نسگیلم رقیه 

نه دیوم بابان سوروشسا هانی سویگولوم رقیه 
دیمرم سورشسا اکبر باشوا گلن بلادن 
دیمرم ایدردی ناله غم و ظلم کربلادن 
دیرم فراق و غمدن هامی یا هامی جفادن 
نه دیوم بابان سوروشسا هانی سویگولوم رقیه 
دیمرم خرابه یرده نه قدر چکوبسن ایذا 
دیمرم غمونده یاندی مه و مهر چرخ مینا 
دیرم مه مدینه بوله بو ملالی اما 
نه دیوم بابان سوروشسا هانی سویگولوم رقیه 
دیمرم که گل وجودین باجوین یوروبدی غملر 
دیمرم اولنجه اولدی سوزی گل علی اکبر 
دیرم بو اربعینه گلوب اهل بیت یکسر 
نه دیوم بابان سوروشسا هانی سویگولوم رقیه 
دیمرم بو دردی سردار عموا اورکده قالسون 
دیمرم دیردی گلسون منی بیر قوجاقه آلسون 
دیرم گلنمیوبدی اوزینی بو قبره سالسون 
نه دیوم بابان سوروشسا هانی سویگولوم رقیه 
دیمرم دل جهانه ورار اود گوزل مزارون 
دیمرم وطنده صغرا چکر ایندی انتظارون 
دیرم سوروشسا هر کیم بو اسفلی حال زارون 
نه دیوم بابان سوروشسا هانی سویگولوم رقیه 
دیمرم فراق ایوینده کسیلوبدی صبر و تابیم 
دیمرم یانان اورکده گنه واردی اضطرابیم 
دیرم غم و ملالون ولی یوخ بونا جوابیم 
نه دیوم بابان سوروشسا هانی سویگولوم رقیه 
دیمرم اولنده یاندی شرر غمینده داغ داش 
دیمرم قویاندا قبره یوزه جاری اولدی قانیاش 
دیرم کفن سیز اولدی بو بیبون اولیدی ایکاش 
نه دیوم بابان سوروشسا هانی سویگولوم رقیه 
دیمرم خرابه یرده گلن ایلدی شمادت 
دیمرم غموندن ایتدی منه روز و شب شکایت 
دیرم قوتولدی غمدن بو غمون ایدر خجالت 
نه دیوم بابان سوروشسا هانی سویگولوم رقیه 
دیمرم ایدوبدی از بر آدون اعظمی دلینده 
دیمرم یانار سیزیلدار بو خرابه نسگلینده 
دیرم مزارون اوسته گله بو کلام الینده 
نه دیوم بابان سوروشسا هانی سویگولوم رقیه 

اثر مرحوم آقای اعظمی تبریزی

زبان حال حضرت زینب موسم حرکت از شام


اولوب خرابه ده ای شامیان بالام قالدی 
مدینیه گیدورم باغریقان بالام قالدی 
مزارینی سیزی تاری گلون زیارت ایدون 
چوخ آغلیون بونا یوخ آغلیان بالام قالدی 
الی اوزولدی وطندن گیدنمدی وطنه 
ویروب خرابه ده حسرتله جان بالام قالدی 
اولاندا هر شب جمعه چراغ روشن ایدون 
مزاری اوسته اولون نوحه خوان بالام قالدی 
سیلین غبارینی سیز قویمیون قالا توزلی 
بو غربت اولکه نی ایلوب مکان بالام قالدی 
بو شامیده بالامین سیز بو غملی روضه سینی 
مزار ایدون اوزوزه جاودان بالام قالدی 
چو عندلیب قفس بو خرابه گوشه سینی 
اوزینه آخر ایدوب آشیان بالام قالدی 
بو شهر شومیده هر آن خرابیه گله سوز 
اولون منیم یریمه روضه خوان بالام قالدی 
بیر ال قبیله قویوب کربلاده گلمشیدی 
اولونجه گوز یاشین ایتدی روان بالام قالدی 
بابا بابا دیدی حسرت قالوب بابا یوزینه 
گورنمدی داخی اول باغریقان بالام قالدی 
یازاردی اکبرین آدین گوز یاشیله توپراقه 
شکسته نی کیمی دلده فغان بالام قالدی 
خرابه توپراقین اشگی ایدوب گل آلوده 
دیمزدی دردین ایدردی نهان بالام قالدی 
اوجادان آغلیا بولمزدی شمر خوفیندن 
چوخ اینجیدوب بونی شمر و سنان بالام قالدی 
گلنده شامه دوگوب ساربانلار اینجیتدی 
جفای دشمنه دوزدی هر آن بالام قالدی 
صغیره سنیله هر بیر مصیبته دوزدی 
وجودین ایتدی غمی ناتوان بالام قالدی 
او گیزلدردی اورک دردینی دینمزدی 
یارالی سینه ده دردی نهان بالام قالدی 
سیزیلدینده منیم قلبیمی ایدردی کباب 
غمینده یانام اوزوم هر زمان بالام قالدی 
آپاردی قبره بو نسگیللری اورکده اوزی 
بهار عمری تیز اولدی خزان بالام قالدی 
آپاردی محشره جسمینده قمچی یرلرینی 
باباسینا ویره بیر بیر نشان بالام قالدی 
واریدی گر چه بونون ( ذوقی )  گیتماقا وطنه 
نه چاره ویرمیوب اجل بیر امان بالام قالدی 

اثر مرحومذوقی

زبان حال موقع کوچ از شام

چون واضح اولدی زینب کبرایه انتقال 
گلدی خرابیه بویوروب با زبان حال 
دور ای شکوفه گلزار بو تراب قیزیم 
سزا دگل اولا گل بستری تراب قیزیم 
بو کاروان گیدیری کربلا زیارتینه 
دایانما گیتماقا دور سنده قیل شتاب قیزیم 
نه شمر وار سنه قمچی ورا نه زجر و سنان 
نه قید و بند نه وحشت نه اظطراب قیزیم 
دور ای شهیده هجران عشق گور نجه وار 
خیال وصلیله هر دلده التهاب قیزیم 
سن ای غزاله چرخ وفا غزال حجاز 
بو شام شومی ندن ایتدون انتخاب قیزیم 
سن ای طراوت نزهت فزای هر گلشن 
سن ای سرشگی صفا بخش هر گلاب قیزیم 
سن ای ستاره تابان آسمان ادب 
سن ای یوزی فلک حسنه ماهتاب قیزیم 
بو لعلین ارزشینی اهل شام بولمدیلر 
اولار بو گوهره تاریخ ارزیاب قیزیم 
جهاندا اولسا نه اندازه بیر عفیفه خانم 
حیا و شرمی ایدر سندن اکتساب قیزیم 
اولونجه یاندیراجاق عمه وی که یولدا سنون 
گل جمالیوی یاندیردی آفتاب قیزیم 
سنون حضورون ایدر بو خرابه نی آباد 
ولی یزید اولاجاق خانمان خراب قیزیم 
آتان مزارینه گوزیاشلی باغریقان گیدیروق 
ویراق او قبره سرشگیله آب و تاب قیزیم 
بابان سوروشسا اگر بس هانی رقیه قیزیم 
اونون سوالینه وار منده نه جواب قیزیم 
یزیدی ایلدی رسوای روزگار الومون 
اگر چه بیر نچه گون اولدی کامیاب قیزیم 
اولوب بو سلسه نین سندن آیریلان گوندن 
غداسی خون جگر گوزیاشی شراب قیزیم 
اولار که ایتدیلر آل اللهی خرابه نشین 
جفا و جوردن ایتمزله اجتناب قیزیم 
عجبدی ظلمه بولار قصد غربت ایلدیلر 
خطای محضی حساب ایتدیلر ثواب قیزیم 
یارالی قلبیمه بیر تیر زهردار اولدی 
بو شمردون که سنه ایتدی هر عتاب قیزیم 
گلنده نالیه یولاردا آه پرشررون 
ایدردی اهل حرم قلبینی کباب قیزیم 
اولار جهاندا مگر هانسی بیر اسیره قیزین 
امیر سلسله سی بسته طناب قیزیم 
بش اون گون اولدی یزیدین حکومتی اما 
هامی جهاندا بیزوق مالک الرقاب قیزیم 
بیزیله ایتمدی سازش جهان محاسبده 
یقین ایله که غلط اولماز احتساب قیزیم 
آتاندان ایسته گلوب خوندله عنایت ایده 
گوزینده توپراق اولان وقتیده نقاب قیزیم 
که یعنی قبریده تک قویماسین صلاح اولسا 
گلن زمان ایکی مامور باشتاب قیزیم 

اثر مرحوم خوندل 

نشانی ایمیل شما منتشر نخواهد شد.