به گزارش تبریز بیدار، علی شهودی شاعر جوان تبریزی به مناسبت ماه رمضان ،ماه راز و نیاز با معبود شعری زیبا سروده است که به حضور مخاطبان تقدیم می گردد:
ای دیده اویان طالب ماه رمضان اول
تاپ فیض بقا محرم اسرار نهان اول
بیرماه نمایان اولوب آفاقی ائدیب مات
انوارینه تعظیم ایلییب جمله سماوات
بیرده بئله بیر ماه، تجلی ائده هیهات
بیل قدرینی سرچشمه توحیده روان اول
بو آیدا نه تنها ییب ایچمکده ن ائت امساک
زنگارینی سیل آینه قلبینی قیل پاک
بار گنهی آت یئره اول چابک و چالاک
جان زیروه سینی فتح ائله غرق هیجان اول
ایستیرسن اگر حق ائده اعمالووی تایید
مخلوق جهان ایلیه رفتارووی تمجید
گون تک قالاسان دهریده پاینده و جاوید
قالدیر بو قارانلیقلاری محبوب جهان اول
تورات و زبور و صحف و مصحف و انجیل
بو آیدا اولوب زبده پیمبرلره نازیل
سنده بو گوزل آیدا کمالات ائله تحصیل
گل داخل جمعیت احرار جنان اول
گل نفس لعینی ائله قربانی بو آیدا
شوریله تلاوت ائله قرآنی بو آیدا
خالقدی دوتان خلقینه مهمانی بو آیدا
فربه ایلمه جسمووی گل مونس جان اول
بئله بویوروب حضرت پیغمبرخاتم
روزه سپر نار جهنمدی مسلم
گل بو سپری آل اله ای زاده آدم
محشر گونی گئت داخل اول خط امان اول
بیر شور گلر خلقه سر سفره افطار
عاجزدی قلملر ائده اول حالتی اظهار
هر یئرده ن اولار جلوه معبود پدیدار
آماده ی اول لحظه زیبای اذان اول
خاک در میخانه نی گل ایله زیارت
نیت ایلییب ایله شرابیله طهارت
می نوری اوره گ مولکون ائده ن وقتده غارت
اغیاری بوراخ بنده بیر پیر مغان اول
شکر آللاها تاپدیق یئنه توفیق عبادت
درک ائتدیک اروجلوق آیینی ساغ و سلامت
بو لحظه لرین قدرینی بیل ایلمه غفلت
فرصتدی اویان شمع کیمی اشگ فشان اول
روایت بیزیم محله از ۴۲ متری و شهید قره‌باغی / از دستفروشان و فضای سبز تا مسیرگشایی بلاتکلیف
دیدگاهتان را بنویسید